ИИВ ҳузуридаги Тергов департаменти хабарига кўра, кеча, 17 сентябрь куни соат 20:30 да ҳайдовчи, 35 ёшли Х.Т., “Hyundai porter” русумли автомашинани бошқариб, Оҳангарон тумани ҳудудидан ўтган автомобиль йўлида ўзи билан бир йўналишда чапга қайрилиш учун (рухсат этилган жойда) тўхтаб турган ҳайдовчи 49 ёшли Б.У., нинг бошқарувидаги “Т-28” русумли тракторнинг тиркамасига келиб урилган.
Оқибатда “Hyundai porter” автомашинасининг йўловчилари яъни ҳайдовчи Х.Т.,нинг турмуш ўртоғи 32 ёшли С.Т., (аёл) тан жароҳатлари олиб ходиса жойида ҳамда вояга етмаган 5 ойлик қизи Б.Б., Охангарон туман марказий шифохонасининг қабул бўлимига олиб келинган вақтда вафот этган. Бундан ташқари, Х.Т., ва унинг ўғиллари 12 ёшли Б.Б., 10 ёшли У.Б. ва 7 ёшли Х.Б.,лар турли даражадаги тан жароҳатлари билан, туман марказий шифохонасига ётқизилган.
Мазкур ҳолат бўйича, Оҳангарон тумани ИИБ ҳузуридаги Тергов бўлими томонидан Жиноят кодексининг 266-моддаси 3-қисми “а” банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган бўлиб, ҳозирда жиноят иши вилоят ИИББ ҳузуридаги Тергов бошқармаси иш юритувига олинган.
Айни пайтда тергов ҳаракатлари давом эттирилмоқда.
