2026 йилда ипотека дастурларига 23 трлн сўм йўналтирилади, дейилади президентнинг 16 февралдаги қарорида.
Шундан 12,2 трлн сўм давлат бюджети маблағлари, 7,8 трлн сўм тижорат банклари маблағлари, 3 трлн сўм "Ўзбекистон ипотекани қайта молиялаштириш компанияси" АЖ маблағлари ҳисобланади.
Шунингдек, ҳужжат билан Тошкент шаҳрида ипотека кредитининг энг юқори миқдори 480 млн сўм, ҳудудларда 380 млн сўм этиб белгиланмоқда.
Бундан ташқари, ипотека кредитларини субсидиялаш учун 2,7 трлн сўм ажратилади.
Ажратилган маблағлар ҳисобидан 73 мингдан ортиқ оила уй-жой билан таъминланиши, 30 мингга яқин фуқарога ипотека кредитлари бўйича бошланғич бадал ва фоиз тўловларининг бир қисмини қоплаш учун субсидиялар ажратилиши кутилмоқда.
Комментарии