Ўзбекистонда фаол фуқаролар давлат хизматлари ва таълим учун чегирмалар билан рағбатлантирилади

Янги ташаббус доирасида фуқаролар қуйидаги жамоатчилик ишларида иштирок этгани учун рағбатлантирилади:

• «Яшил макон» ва бошқа экологик лойиҳаларда иштирок этиш;
• кексалар ва ногиронлиги бўлган шахсларга кўмак бериш;
• маҳалла даражасида оилавий низоларни ҳал қилишда жамоатчилик медиатори сифатида иштирок этиш;
• маҳалланинг инфратузилмавий муаммоларини ҳал қилишда қатнашиш;
• маҳаллаларда ёшларга хорижий тиллар ва касб-ҳунарларни бепул ўқитиш.

Фуқаролар ҳиссасини ҳисобга олиш учун амалда ишланган вақт асосида балл тўплаш тизими (Time banking) жорий этилади. Фаоллик кўрсаткичларига қараб давлат томонидан қуйидаги имтиёзлар берилади:

• давлат хизматларини тўлашда 10% чегирма;
• олий таълим муассасаларида контракт пулининг 5% қисми қоплаб берилиши;
• автокредитлар бўйича 3% гача компенсация.

Кутилишича, камида 350 минг нафар фуқаро жамият муаммоларини ҳал этишда фаол иштирок этиш имкониятига эга бўлади. Жамоатчилик фаолияти ҳажми 1–1,5 миллион соатга етиши режалаштирилган.