Рақобатни ривожлантириш ва истеъмолчилар ҳуқуқларини ҳимоя қилиш қўмитасида умумий овқатланиш корхоналари, шу жумладан кафе, ресторан, ошхона ва шу кабиларга хизматларни мажбуран қабул қилдиришга йўл қўймаслик тўғрисида огоҳлантириш билан мурожаат қилинди.
Хабарда айтилишича, баъзи умумий овқатланиш корхоналари Рамазон ойи арафасида турли хил "рамазон акциялари"ни тўпламлар (комплекс таомлар тўплами) кўринишида жорий этмоқда ва айрим ҳолларда уларни мажбурий қилиб қўймоқда, шунингдек, бошқа вариантларни тақдим этмасдан минимал нархларни белгиламоқда, бу эса истеъмолчининг эркин танловини чеклашга олиб келиши мумкин.
"Истеъмолчиларнинг ҳуқуқларини ҳимоя қилиш тўғрисида"ги Қонуннинг 4-моддасига мувофиқ, истеъмолчи товарни (ишни, хизматни) эркин танлаш ва тегишли сифатни талаб қилиш ҳуқуқига эга. Қонуннинг 21-моддасига мувофиқ, сотувчи (ижрочи) истеъмолчини ҳақ эвазига қўшимча товарлар сотиб олишга ёки қўшимча хизматлардан фойдаланишга мажбурлашга ҳақли эмас.
Шунингдек, умумий овқатланиш корхоналари хизматлар кўрсатишда:
- истеъмолчига қўшимча хизматлар ва маҳсулотларни сотиб олишни мажбурлаш (шу жумладан, истеъмолчининг тўпламдан воз кечиш ва таомномадаги бошқа таомларга буюртма бериш ҳуқуқини чекламаслик);
- истеъмолчиларнинг соғлиғига салбий таъсир кўрсатиши мумкинлигини ҳисобга олмаган ҳолда (масалан, аллергик реакцияни келтириб чиқариши мумкин бўлган аллергенлар/ферментлар мавжуд бўлганда) комплекс тўпламлар таркибидаги таомларни сотиб олишга мажбурлаш ҳолатларига йўл қўйиш.
Бундан ташқари, Конституциянинг 65-моддасида давлат истеъмолчилар ҳуқуқларининг устуворлигини ҳисобга олган ҳолда иқтисодий фаолият, тадбиркорлик ва меҳнат қилиш эркинлигини кафолатлаши белгилаб қўйилган.
Қўмитанинг эслатишича, умумий овқатланиш корхоналари томонидан бу каби қонунбузилиш ҳолатларига йўл қўйилган ва истеъмолчилар ҳуқуқлари камситилган тақдирда, уларга нисбатан таъсир чоралари қўлланилади.
Комментарии