Бугун, 12 февраль куни Куала-Лумпур шаҳрида футбол бўйича U-17 терма жамоалар ўртасидаги Осиё кубогига қуръа ташлаш маросими бўлиб ўтди. Қуръада жамоалар 4 та саватчага ажратилган бўлиб, Ўзбекистон U-17 терма жамоаси 1-саватчадан ўрин олди.
Қуръа натижасига кўра, Ўзбекистон терма жамоаси Австралия, Ҳиндистон ва КХДР терма жамоалари билан "D" гуруҳдан ўрин олишди. Қуръа ташлаш якунларига кўра барча жамоалар ўз рақибларини билиб олишди.
Маълумот ўрнида, мазкур мусобақа Қатарда бўлиб ўтадиган 17 ёшгача бўлган футболчилар ўртасидаги ФИФА Жаҳон чемпионатига саралаш вазифасини ҳам ўтаб беради. Мусобақанинг энг яхши 8 та терма жамоаси 2026 йилги ўсмирлар ўртасидаги мундиалда иштирок этиш ҳуқуқини қўлга киритади.
Комментарии