Президент Шавкат Мирзиёев Исломобод шаҳридаги масжидда содир бўлган террорчилик ҳаракати оқибатида кўплаб инсонларнинг ҳалок бўлгани ҳамда жиддий жароҳат олгани муносабати билан Покистон президенти Асиф Али Зардорий ва бош вазири Шаҳбоз Шарифга таъзия йўллади.
Давлат раҳбари Покистон халқига, марҳумларнинг оила аъзолари ва яқинларига ҳамдардлик билдириб, жароҳатланганлар тез фурсатда соғайиб кетишини тилади.
Эслатиб ўтамиз, кеча, 6 февраль куни Покистон пойтахтидаги шиалар масжидида жума намози вақтида портлаш содир бўлди. Ҳодиса оқибатида камида 31 киши ҳалок бўлди, 169 киши жароҳатланди.
Комментарии