Ҳукуматнинг 30 январдаги қарори билан яшаш жойи бўйича рўйхатга олинган шахслар тўғрисидаги маълумотларни таҳрирлаш хизмати жорий этилмоқда.
Давлат хизмати қуйидаги ҳолларда кўрсатилади:
• фуқаронинг яшаш жойи манзили тўғрисидаги нотўғри маълумотни таҳрирлаш бўйича мурожаати асосида тизимда таҳрирланган қайд варағи бериш;
• мулкдорнинг кўчмас мулкида яшаш жойи бўйича рўйхатдан ўтган шахс (шахслар) тўғрисидаги нотўғри маълумотни таҳрирлаш бўйича мурожаати асосида тизимда манзил бўйича рўйхатдан ўтганлар ҳақида таҳрирланган маълумотнома бериш.
Ариза берувчи ваколатли органга ёки Давлат хизматлари марказига ўзи келиб мурожаат қилиши ёхуд my.gov.uz портали орқали электрон ариза билан мурожаат этиши мумкин.
Ариза 3 иш куни ичида кўриб чиқилади. Хизмат бепул тақдим этилади.
Текширув натижаларига кўра, тўғриланган маълумотлар QR-кодли тизим орқали тасдиқланади ва шу куннинг ўзида ариза берувчига хабарнома юборилади.
Комментарии