Тошкентда 19 ёшли йигит чет эл фуқаросига носвой тамаки маҳсулотини чекишни таклиф қилган ҳолда уятли сўзлар билан сўкиниб, жамиятда юриш-туриш қоидаларини қасддан бузгани ҳақида хабар қилгандик.
Мазкур ҳолат юзасидан Чилонзор тумани ИИО ФМБ томонидан йигитга нисбатан МЖтКнинг 183-моддаси (майда безорилик) билан маъмурий баённома расмийлаштирилган.
Олий суд хабарига кўра, 2026 йил 29 январь кун Тошкент шаҳар жиноят ишлари бўйича Чилонзор туман суди биносида мазкур ҳолат юзасидан суд иши кўриб чиқилди.
Суд қарори билан ҳуқуқбузар МЖтКнинг 183-моддасида назарда тутилган маъмурий ҳуқуқбузарликни содир қилган деб топилиб, унга нисбатан 5 сутка маъмурий қамоқ жазоси тайинланган.
Комментарии