Вазирлар Маҳкамаси қарори билан Ҳукуматнинг айрим қарорларига ўзгартириш ва қўшимчалар киритилди. Бу ҳақда Адлия вазирлиги Матбуот хизмати хабар берди.
Ўзгартиришларга кўра, фанлар мажмуасида чет тили асосий тил сифатида белгиланган таълим йўналишларига қабул чет тилини билиш даражаси B1 даражадан паст бўлмаган миллий ёки халқаро тан олинган сертификат асосида амалга оширилади.
Фанлар мажмуасида чет тили фани мавжуд бўлган таълим йўналишларига қабул қилишда:
- мазкур фан бўйича B1 даражадаги миллий ёки халқаро тан олинган сертификатга эга бўлган абитуриентларга белгиланган максимал баллнинг 75 фоизи миқдорида балл берилади;
- мазкур фан бўйича B2 ва ундан юқори даражадаги миллий ёки халқаро тан олинган сертификатга эга бўлган абитуриентларга белгиланган максимал балл берилади.
Эслатиб ўтамиз, илгари ушбу йўналишларга қабул В2 даражадан паст бўлмаган миллий ёки халқаро сертификат асосида амалга оширилар эди.
Комментарии