Кеча, 28 январь куни тахминан соат 06:00 дан 11:00 гача бўлган вақт оралиғида Тошкент вилояти Бўстонлиқ тумани Чимён қишлоғи ҳудудида кучли ёғингарчилик натижасида 300 куб метрга яқин қор кўчкиси кузатилди. Бу ҳақда Ўзгидромет хабар бермоқда.
Қайд этилишича, ҳодиса оқибатида тан жароҳати олганлар йўқ, моддий зарар етказилмаган.
Маълум қилинишича, "Ўзгидромет" мутахассислари томонидан ҳудуддаги об-ҳаво ўзгаришлари доимий мониторинг қилиб борилмоқда.
Эслатиб ўтамиз, куни кеча Ўзгидромет ҳаво ҳароратининг пасайиши ва давомли ёғингарчилик туфайли олти вилоятнинг тоғли ҳудудларида қор кўчиши ҳақида огоҳлантирган эди.
Комментарии