Қашқадарё вилоятининг Шаҳрисабз туманида инновацион технологиялар асосида сунъий музликлар яратилди. Совуқ даврда сув муз шаклида тўпланади, баҳор ва ёзда эса аста-секин эриб, экин майдонларини суғоришни таъминлайди.
Айни пайтда Шаҳрисабзнинг Сарчашма маҳалласида ҳар бири 450 куб метргача сув йиғиш имкониятига эга бўлган тўртта музлик устуни ўрнатилган.
"Технология энергия талаб қилмайди ва экологик жиҳатдан хавфсиз. Лойиҳа ФАОнинг Ўзбекистондаги ваколатхонаси, Экология ва иқлим ўзгариши миллий қўмитаси ҳамда Қишлоқ хўжалиги вазирлиги кўмагида амалга оширилмоқда," - дейилади Шаҳрисабз тумани ҳокимлиги хабарида.
Кейинчалик бу тажрибани Ўзбекистоннинг бошқа тоғли ҳудудларида ҳам жорий этиш режалаштирилган.
Комментарии