Тошкентда муқаддам бир неча бор судланган 23 ёшли эркак бошқа бир фуқарога пичоқ билан ҳужум қилгани учун қўлга олинди.
Маълум бўлишича, қўлга олинган шахс "Малика" мажмуасида телефон савдоси билан шуғулланган. Шу билан бирга, у безорилик, товламачилик ва бошқа шахсларга нисбатан зўравонлик ҳаракатларини содир этган.
Хусусан, у илгари таниши бўлган фуқарога кейинчалик тўлов қилиш шарти билан 4 дона iPhone 17 Pro Max мобил телефонини сотган, бироқ улар ўртасида юзага келган келишмовчилик туфайли ўткир кесувчи жисм билан унинг юз ва қорин соҳаларига бир неча марта уриб, оғир тан жароҳати етказган.
Унга нисбатан ЖКнинг 277-моддаси (безорилик) билан жиноят иши қўзғатилиб, тергов ҳаракатлари олиб борилмоқда.
Комментарии