Электромобиллардан фойдаланишни кенгайтириш янада рағбатлантирилади. Экологик автомобилларни кўпайтириш бўйича беш йиллик дастур амалга оширилади. Бу ҳақда президентнинг Олий Мажлис ва Ўзбекистон халқига мурожаатида маълум қилинди.
Бунда маҳаллий электромобилларга 12 фоизли, хорижий электромобилларга эса 16 фоизли автокредитлар ажратилади.
Электромобилларни қувватлаш станцияларини ташкил қилиш учун тадбиркорларга 10 фоизли имтиёзли кредитлар берилади, ерларни ауксиндан 2 карра арзон нархда сотиб олиш имконияти яратилади.
Электромобилларни қувватлаш станцияларида автомобилларни зарядлашда 1 киловатт-соат электр энергияси нархининг 300 сўмдан ошган қисми давлат бюджетидан қоплаб берилади.
Электромобилда такси хизмати кўрсатадиган фуқароларга ҳам бир қатор имтиёзлар берилади.
Комментарии