Байрам «School 21 — Инсонлар!» концепцияси асосида ўтказилди. Ушбу концепция School 21 нинг асосий ресурси — инсонлар, яъни иштирокчилар, ҳамкорлар ва жамоа бўлиб, улар биргаликда ИТ соҳасида ўсиш ва ривожланиш учун зарур муҳитни шакллантиришини таъкидлайди. Мазкур тадбирда Самарқанд вилояти ҳокимининг рақамли технологиялар бўйича маслаҳатчиси Анваров Ансор Алимардон ўғли ҳамда Рақамли технологиялар вазирлигининг Самарқанд вилояти ҳудудий бошқармаси бошлиғи Хўжамбердиев Дилмурод Эркиновичнинг иштирок этганлиги ғоянинг аҳамиятини янада мустаҳкамлайди.
Таъкидлаш ўринлики, бугунги кунда School 21 атрофида таълим ва лойиҳа амалиётидан тортиб, карьера имкониятлари ва ҳамкорликкача бўлган рақамли компетенцияларни ривожлантиришга қаратилган ҳамжамият ва инфратузилма шаклланмоқда. Буларнинг барчаси эса Ўзбекистон ИТ-экотизимининг тобора ривожланишига хизмат қилмоқда.
Тадбирнинг расмий қисмида меҳмонлар кампус фаолиятининг натижалари ва School 21 даги амалиёт ҳамда peer-to-peer методикасига асосланган, ҳамкорликда ишлаш ва ҳақиқий лойиҳавий вазифаларни бажариш орқали амалга ошириладиган таълим ёндашуви билан яқиндан танишди. Ўтган икки йил давомида School 21 нинг Самарқанд ва Тошкент кампусларига 85 000 дан ортиқ аризаларлар келиб тушди ва 9 600 дан ортиқ талабгорлар «ҳовуз» саралаш интенсивида иштирок этишга муваффақ бўлишди.
Бу давр мобайнида Ўзбекистондаги School 21 нафақат таълим маскани, балки профессионал жамоалар учун қулай муҳит яратувчи майдонга айланди. Мактабда иштирокчилар ва ҳамкорлар учун очиқ учрашувлар, маҳорат дарслари, хакатонлар, идеатонлар ва геймжемлар каби йирик форматлардаги 950 дан ортиқ тадбирлар ўтказилди. School 21 Европа ва Осиёдаги маҳаллий ҳамда халқаро компанияларни ўзида қамраб олган 80 дан ортиқ ташкилотлардан иборат ҳамкорлик тармоғини шакллантирмоқда ва ривожлантирмоқда. Мактаб ҳамкорлар билан биргаликда иштирокчиларнинг амалий вазифалар, карьера имкониятлари ва касбий мослашуви, жумладан, амалиёт ўташ ва ишга жойлашиш борасида қўллаб-қувватлаш имкониятларини кенгайтирмоқда.
«School 21 – бу, энг аввало, инсонлар. Барчасини нолдан бошлашга қарор қилган иштирокчилар. Уларни бу йўлга бошловчи ва кўмаклашувчи жамоа. Кампус ҳаёти ва клубларини ривожлантирадиган волонтёрлар. Карьера имкониятларини тақдим этувчи ҳамкорлар. Ва, албатта, рақамли кўникмаларни ривожлантириш борасида қўллаб-қувватловчи давлат идоралари. Шулар туфайли, бугун School 21 ҳамма учун очиқ ва қулай бўлган фаол масканга айланмоқда», – дея таъкидлади School 21 ижрочи директори Зарина Лухманова.
«School 21 — Инсонлар!» концепциясининг янги босқичи мактаб — илм оладиган, ташаббусларни қўллаб-қувватлайдиган ва бошлашга кўмаклашадиган, таълимни ҳақиқий касбий имкониятларга айлантирадиган инсонлар туфайли ўсади ва ривожланади, деган ғояни илгари суради.
Тадбир давомида мактаб иштирокчилари томонидан лойиҳалар тақдимоти ўтказилди, шунингдек, ҳамкорлар ва асосий таълимнинг энг фаол иштирокчиларини турли номинациялар бўйича тақдирлаш маросими бўлиб ўтди.
«Best team of the year номинациясига эга бўлганлигимиз биз учун, аввало, School 21 ва инсонлар эътирофини англатади. Бу масканда ҳар доим кампус жамоаси, волонтёрлар, ҳамкорлар ва иштирокчиларнинг қўллаб-қувватлашини ҳис этиш мумкин. Улар бор экан, хато қилишдан, саволлар беришдан, қайта синаб кўришдан ва ўсишдан қўрқмайсиз. Бу муҳитда биз жамоа бўлишни ўргандик ва ўз стартапимиз билан саҳнага дадил чиқа олдик. Бизга билдирилган ишонч, ҳурмат ва тўғри йўлда эканлигингни ҳис қилиш имконияти учун School 21 га чексиз миннатдорлик билдирамиз», – дея ўз кечинмалари билан ўртоқлашди School 21 асосий таълим иштирокчиси Нафиса Мирзаева.
Расмий қисмдан сўнг кампус интерфаол ўйинлар ва тадбирлар ўтказиладиган очиқ майдон сифатида ўз фаолиятини давом эттирди. Бунда меҳмонлар учун СИ ёрдамида тасвирлар яратиш, ВР ўйинлар, квестлар, рақсларга мўлжалланган ҳудудлар, киберхавфсизлик ва спорт дастурлаш бўйича мусобақалар ташкил этилди.
School 21 аъзоси бўлишни ва ИТ соҳасида ўз кучини синаб кўришни истаган барча саралаш «ҳовузи»га таклиф қилинмоқда. Унинг энг яхши иштирокчилари ўртача 6 ойдан 3 йилгача давом этадиган асосий таълим босқичига қабул қилинади, бунда муддат иштирокчи танлаган таълим тезлиги асосида белгиланади.
Кейинги саралаш «ҳовузлари»нинг саналари:
• Тошкент – 19 январь, аризалар 14 январгача қабул қилинади
• Самарқанд – 19 январь, аризалар 14 январгача қабул қилинади
School 21 ҳаволаси орқали ўқиш учун ариза топшириш мумкин.
Самарқанд
Email: [email protected]
Телефон: +998 93 039 44 42
Манзил: Самарқанд, Ибн Сино кўчаси, 17А
Тошкент
Email: [email protected]
Телефон: +998 93 039 44 47
Манзил: Тошкент, Зиёлилар кўчаси, 13
Реклама ҳуқуқи асосида
Комментарии