Йилнинг асосий ютуқлари бир нечта йўналишларни қамраб олди — рақамли хизматлар, мижозлар тажрибаси, технологик етакчилик ҳамда корпоратив маданиятни ривожлантириш.
Технологик етакчилик ва Visa томонидан эътироф этилиш
2025 йилда InfinBANK Visa халқаро тўлов тизими томонидан иккита нуфузли мукофотга сазовор бўлди. Бу эса банкнинг глобал миқёсда рақобатбардош эканини тасдиқловчи муҳим эътироф бўлди.
Best Credit Card Issuer
Ушбу мукофот кредит карталари бўйича энг жозибадор шартларни таклиф қилувчи ва мижозларга хизмат кўрсатиш даражаси юқори бўлган банкларга берилади. InfinBANK кредит карталари қулай шартлар ҳамда замонавий ечимлар уйғунлиги учун алоҳида эътироф этилди.
Асосий афзалликлар:
• кредит лимити — 100 млн сўмгача;
• 50 кунгача фоизсиз давр, бу харажатларни мослашувчан режалаштириш имконини беради;
• кундалик ҳаётда InfinBLACK картасидан фойдаланишни қулай ва содда қилувчи инновацион функциялар.
Visa Token Services Implementation
Ушбу мукофот энг замонавий ва хавфсиз тўлов технологияларини жорий этаётган банкларни эътироф этади. InfinBANK тўлов маълумотларини токенизация қилишни муваффақиятли жорий этгани учун тан олинди.
Мижозлар учун бу қуйидагиларни англатади:
• карта маълумотларини ноёб рақамли токен билан алмаштириш орқали қўшимча маълумотлар ҳимояси;
• интернетда ҳам, офлайн дўконларда ҳам янада тезкор, қулай ва хавфсиз тўловлар.
Энг яхши рақамли мижозлар тажрибаси учун эътироф
2025 йилнинг асосий ютуқларидан бири — InfinBANK нинг мустақил CX Banking Index тадқиқоти доирасида эътироф этилиши бўлди. Бу тадқиқот Ўзбекистонда мобиль банк иловаларини баҳолаш бўйича нуфузли лойиҳалардан биридир.
Тадқиқот натижаларига кўра, банк иккита мукофотга сазовор бўлиб, рақамли ечимлар даражаси юқорилиги ва мижозлар қулайлигига йўналтирилганлиги тасдиқланди:
• «P2P ўтказмалар» номинациясида кумуш мукофот — фойдаланувчилар ўртасидаги ўтказмалар тезлиги, ишончлилиги ва қулайлиги, шаффоф комиссиялар ва хизматнинг барқарор ишлаши бўйича.
• «First Impression» номинациясида бронза мукофот — мобиль илова билан биринчи мулоқот тажрибаси қулай ва интуитив бўлгани, жумладан, рўйхатдан ўтиш, авторизация, карталарни қўшиш ва биринчи операциялар бўйича.
CX Banking Index доирасидаги экспертлар эътирофи InfinBANK нинг рақамли воситаларни ривожлантириш ва мижозлар йўлини яхшилаш бўйича тизимли ишлашини таъкидлайди, бу эса молия бозорининг фаол рақамлаштирилиши шароитида алоҳида аҳамиятга эга.
Fintech League 2025 да чемпионлик
Технологик ютуқлардан ташқари, InfinBANK корпоратив маданиятни фаол ривожлантирмоқда. 2025 йилда банк мамлакатнинг етакчи банклари ва финтех компанияларини бирлаштирувчи корпоратив турнир — Fintech League чемпиони бўлди.
Финал ўйинда InfinBANK жамоаси Hayot Bank устидан 1:0 ҳисобида ғалаба қозонди. Ушбу муваффақият кучли жамоавий руҳ, ходимларнинг фаол иштироки ва банкнинг профессионал ҳамжамият ҳаётидаги фаоллигини рамзий ифодалайди.
Банк асосчисининг шахсий эътирофи
InfinBANK акциядори ва асосчиси Фарҳод Фахриддинович Мамажонов «Ўзбекистон Республикасида хизмат кўрсатган тадбиркор» фахрий унвони билан тақдирланди.
Ушбу юқори давлат мукофоти Фарҳод Фахриддиновичнинг мамлакат молия секторини ривожлантиришга қўшган ҳиссаси, тадбиркорлик фаолияти ва Ўзбекистонда замонавий банк бизнеси стандартларини шакллантиришдаги роли учун берилди.
Асосчининг эътирофи шуни кўрсатадики, InfinBANK нинг ютуқлари нафақат технологик инновациялар ва сифатли хизмат, балки стратегик етакчилик, миссия ва банкнинг соҳани ривожлантиришдаги узоқ муддатли роли билан ҳам боғлиқ.
2025 йил мукофотлари ва ютуқлари InfinBANK нинг инновацион ривожланиш йўлида ишончли ҳаракатланаётганини, технологик етакчилик, юқори хизмат даражаси ва инсон омилига эътибор билан уйғунлашаётганини намойиш этади.
Халқаро тўлов тизимлари, соҳавий тадқиқотлар ва профессионал ҳамжамият томонидан берилган эътироф шуни тасдиқлайди: InfinBANK рақамли банкчилик тенденцияларини кузатибгина қолмай, Ўзбекистонда молиявий хизмат кўрсатишнинг янги стандартларини белгиламоқда.
2025 йил якунлари банкнинг янада ўсиши ва мижозлар учун қулай, хавфсиз ва технологик банк тажрибасини таъминлашга қаратилган янги рақамли ечимларни амалга ошириш учун мустаҳкам пойдевор яратди.
Реклама ҳуқуқи асосида
Комментарии