Бугунги кунда Ўзбекистонда рецептсиз бериладиган 1846 турдаги дори воситалари давлат рўйхатидан ўтган.
Фуқаролар муайян дори воситаси рецептур ёки рецептсиз эканини Фармацевтика саноатини ривожлантириш агентлиги веб-сайти орқали текширишлари мумкин.
Бу учун сайтнинг «Хизматлар» бўлимига кириб, «Дорилар» қисмини танлаб, қидирилаётган препарат номини қидирув сатрига киритиш керак.
Керак бўлса, сотиб олиш тартиби, ишлаб чиқарувчи мамлакат, халқаро патентланмаган ном ва дори шакли бўйича фильтрлардан ҳам фойдаланиш мумкин. Сўров киритилгандан сўнг тизим рўйхатдан ўтган дори ҳақидаги маълумотни кўрсатади.
Шу билан бирга, айрим дори шакллари рецептур ҳисобланади ва пилот ҳудудларда фақат электрон рецепт орқали харид қилиниши мумкин.
Ҳамда рецептсиз энг кўп қўлланиладиган дорилар рўйхати билан ҳам шу ерда танишиш мумкин.
Комментарии