8-13 декабрь кунлари Нью-Деҳли шаҳрида ЮНЕСКОнинг Номоддий маданий меросни муҳофаза қилиш бўйича ҳукуматлараро қўмитасининг 20-сессияси йиғилиши бўлиб ўтмоқда.
Қорақалпоғистоннинг икки ноёб маданий қадрияти - қўбиз ясаш ва ижро этиш санъати, шунингдек, ўтов ясаш бўйича анъанавий билим ва кўникмалари расман ЮНЕСКОнинг Инсониятнинг номоддий маданий мероси рўйхатига киритилган.
"Халқаро миқёсдаги бу эътироф анъаналаримиз теранлиги, маънавий меросимиз қудрати ва авлодлар ўртасидаги узвий боғлиқликни тасдиқлайди," - деди Президент Администрацияси раҳбари Саида Мирзиёева.
Саида Мирзиёева бой меросни асраб-авайлаш ва тарғиб қилишга ҳисса қўшган барча усталар, тадқиқотчилар, анъаналар ҳимоячилари ва жонкуярларга миннатдорлик билдирди.
"Бу бутун маданиятимизнинг ғалабаси. Биз ўзимизни ноёб қиладиган нарсаларни асраб-авайлаб, олдинга интилишда давом этамиз," - дея таъкидлади Администрация раҳбари.
Комментарии