Пойтахтда Раффаэлло конфетлари солинган қутига тахминан 800 грамм гиёҳванд моддаларни беркитган ҳолда сотаётган эркак қўлга олинди. Бу ҳақда пойтахт ИИББ хабар берди.
Тезкор ходимлар ушбу шахсни Мирзо Улуғбек туманида қўлга олди. Дастлабки маълумотларга кўра, унга 1 кг тақиқланган моддалар учун буюртма келиб тушган, бунинг учун қўлга олинган шахсга 10 минг доллардан ортиқ ҳақ тўлаш ваъда қилинган. Бироқ у керакли ҳажмни тўплай олмаган ва фақат партиянинг бир қисми билан учрашувга келган.
Мазкур ҳолат юзасидан ЖКнинг 273-моддаси (гиёҳвандлик воситалари ва психотроп моддалар билан қонунга хилоф равишда муомала қилиш) билан жиноят иши қўзғатилган. Тергов олиб борилмоқда.
Комментарии