Қозоғистонда жойлашган "СCАТ" авиакомпаниайси Туркистоннинг Ҳазрат Султон халқаро аэропортидан (ҲСА) Ўзбекистоннинг учта шаҳрига: Урганч, Бухоро ва Самарқандга тўғридан тўғри рейсларни йўлга қўймоқда. Рейслар декабрь ойида бошланади ва чипталар сотувга қўйилган.
Туркистон — Урганч — Туркистон йўналиши бўйича рейслар 2025 йил 1 декабрдан бошланиши режалаштирилган. Парвозлар душанба, жума ва якшанба кунлари амалга оширилади.
Туркистон — Бухоро — Туркистон йўналиши бўйича рейслар шу йилнинг 2 декабридан сешанба, пайшанба ва шанба кунлари бошланиши режалаштирилган.
Туркистон — Самарқанд — Туркистон йўналиши бўйича рейслар шу йилнинг 3 декабридан бошланиши режалаштирилган. Парвозлар чоршанба, жума ва якшанба кунлари амалга оширилади.
Янги йўналишларнинг ишга туширилиши Қозоғистон ва Ўзбекистон ўртасидаги транспорт имкониятларини кенгайтиради ва минтақадаги шаҳарлар ўртасида саёҳатни янада қулайлаштиради.
Комментарии