Кеча, 17 ноябрь куни Тошкентда Энергетика вазири Жўрабек Мирзамаҳмудов ва Афғонистоннинг DABS компанияси бош директори Абдул Бори Умар бошчилигидаги делегация аъзолари билан учрашув бўлиб ўтди, деб хабар бермоқда Энергетика вазирлиги Матбуот хизмати.
Унда шунингдек, Ўзбекистон энергетика компаниялари раҳбарияти ва масъуллари ҳам иштирок этди.
Учрашувда Афғонистон ҳудудида қурилаётган юқори кучланишли электр узатиш тармоқлари ва подстанцияларининг жорий ҳолати ҳамда ушбу ишларни янада жадаллаштириш масалалари муҳокама қилинди.
Учрашув сўнггида 2026 йил учун электр энергиясини етказиб бериш бўйича тегишли шартнома имзоланди.
Комментарии