Энергия ресурсларидан ноқонуний фойдаланиш натижасида тизимга 99 миллиард сўм миқдорида зарар етказилгани маълум қилинди. Бу ҳақда Ўзэнергоинспекция матбуот хизмати хабар берди.
Ўзэнергоинспекция томонидан ҳуқуқни муҳофаза қилувчи органлар иштирокида ўтказилган назорат тадбирлари давомида истеъмолчилар томонидан энергия ресурсларидан ноқонуний фойдаланишнинг 192 та ҳолати аниқланган.
Дастлабки ҳисоб-китобларга кўра, 22,3 миллион кВт⋅соат электр энергияси (63,9 миллиард сўм) ва 11,4 миллион куб метр табиий газ (35 миллиард сўм) талон-торож қилиниши натижасида жами 99 миллиард 15 миллион сўм зарар келтирилган.
Шунингдек, истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 479 та маъмурий иш расмийлаштирилди.
Қоидабузар истеъмолчиларга нисбатан белгиланган тартибда чора кўриш учун тегишли ҳужжатлар ҳуқуқни муҳофаза қилувчи органларга тақдим этилди.
Комментарии