Ўзбекистон делегацияси Баҳрайнда бўлиб ўтган III ёшлар Осиё ўйинларидаги иштирокини 37 та олтин, 16 та кумуш ва 28 та бронза медали билан якунлади, дея хабар бермоқда Миллий олимпия қўмитаси матбуот хизмати.
Бу унинг умумжамоа ҳисобида Хитойдан кейин фахрли иккинчи ўринни эгаллашини таъминлади.
"Ушбу натижани ҳақли равишда тарихий деб аташ мумкин: агар I ёшлар Осиё ўйинларида делегациямиз учта бронза, II ўйинларда эса битта олтин, иккита кумуш ва учта бронза медаль билан чекланган бўлса, бу сафарги натижалар аввалги кўрсаткичлардан сезиларли даражада ошиб кетди," - дейилади қўмита хабарида.
Таъкидлаш жоизки, ўтган мусобақаларда қитъамизнинг 45 давлатидан 4 минг нафардан зиёд ёш спортчилар иштирок этди.
Комментарии