Солиқ қўмитаси кўчмас мулк ижара шартномаларини ҳисобга қўйиш амалга ошириладиган E-ijara хизматини таҳлил қилиш чоғида қоидабузарлик ҳолатини аниқлади.
Маълум бўлишича, ижарага берувчи икки нафар талаба билан ижара шартномасини расмийлаштирган ва улар ижарага олган уй-жойнинг майдони ойига 1,5 млн сўм тўлаш шарти билан атиги 0,5 кв.м эканлигини кўрсатган.
Бундан ташқари, ушбу хонадонда яна 33 нафар талаба рўйхатдан ўтган бўлиб, ҳар бир ижарага олувчига ўртача 0,7 квадрат метрдан уй-жой майдони тўғри келади.
Эслатиб ўтамиз, Уй-жой кодексига мувофиқ уй-жой майдонининг ижтимоий нормаси бир киши учун 16 квадрат метрдан кам бўлмаган, кресло-аравачада ҳаракатланадиган ногиронлар учун эса - йигирма уч квадрат метрдан кам бўлмаган майдонни ташкил этади.
Комментарии