Туркияда 47 ёшли ўзбекистонлик Р.А. ўз турмуш ўртоғи, Ўзбекистон фуқароси, 47 ёшли В.У.ни ўлдиришда айбланиб, суд қилинди, деб ёзади маҳаллий ОАВ.
Иш ҳужжатларига кўра, воқеа жорий йилнинг 18 апрель куни соат 09:30 атрофида Пендик тумани "Қайнаржа" маҳалласида содир бўлган. Улар ўртасида жанжал келиб чиққан, ўшанда эркак аёлни куч билан ертўлага олиб кирмоқчи бўлган.
Қўшниларнинг бақир-чақирларига қарамай, у аёлга бир неча марта пичоқ уриб, сумкасини ўғирлаб, қочиб кетган. Воқеадан кўп ўтмай, у полиция томонидан қўлга олинган.
Судда эркак ўз айбини тан олди. Шунингдек, у Ўзбекистонда ўзи қарамоғида бўлган 80 ёшли онаси борлиги сабабли жазони енгиллаштиришни сўради.
Суд ўзбекистонликни қасддан одам ўлдиришда айбдор деб топди ва умрбод қамоқ жазосига ҳукм қилди. Сумкани ўғирлаш ҳаракатлари ўғирлик сифатида баҳоланиб, қўшимча 6 йилга озодликдан маҳрум қилинди.
Комментарии