Ҳукумат “Қурилиш соҳасидаги норматив-ҳуқуқий ҳужжатларни такомиллаштиришга қаратилган айрим қонун ҳужжатларига ўзгартиш ва қўшимчалар киритиш тўғрисида”ги қарорни қабул қилди.
Қарорга кўра, 2026-йил 1-январдан бошлаб турар жой ва нотурар жой объектларини қуришда объект номи давлат тилида кўрсатилиши шарт бўлади.
Мазкур талаб қурилиш майдонларида ва уларнинг атрофида жойлаштирилган барча реклама ва ахборот матнларига ҳам тааллуқли бўлади.
Қайд этилишича, ушбу янгилик давлат тилининг жамоат жойларида ва қурилиш объектларида қўлланиш даражасини оширишга қаратилган.
Бундан ташқари, қурилиш-монтаж ишларини бошлаш учун хабарнома тарзидаги рўйхатдан ўтиш жорий этилади ҳамда муаллифлик ва техник назорат тегишли инспекциялар иштирокида амалга оширилади.
Комментарии