Ўзбекистон ташқи савдоси экспортнинг ўсиши ҳисобига рекордларни янгилаяпти

Миллий статистика қўмитаси маълумотларига кўра, жорий йилнинг январь-сентябрь ойларида Ўзбекистоннинг ташқи савдо айланмаси ҳажми 59,8 млрд долларни ташкил этиб, ўтган йилнинг мос даврига нисбатан 11,1 млрд долларга ёки 22,9 фоизга ошган.

Ой давомида ташқи савдо айланмаси ҳажми 8,4 миллиард долларга ошди. Январь-август ойларида у 51,4 миллиард долларни ташкил этди.

Йил бошидан буён экспорт $26,7 млрдга (+33,3%), импорт $33,1 млрдга (+15,6%) етди.

Ўзбекистоннинг ташқи савдо ҳамкорлари сони 206 тага етди. Ўзбекистон ташқи савдо айланмасининг энг катта улуши Хитой (19,1%), Россия (15,7%), Қозоғистон (5,8%), Туркия (3,6%) ва Корея Республикасига (2,2%) тўғри келди.