Ўзбекистонда 5 граммлик олтин қуймаси нархи 8 миллион сўмдан ошди

9 октябрь ҳолатига кўра, Ўзбекистонда олтин нархлари белгиланди, деб хабар бермоқда Марказий банк Матбуот хизмати.

1 грамм олтин нархи 1 608 600 сўмни ташкил этди. Бир кунда нарх 24 минг сўмдан ортиққа ошди. Йил бошида эса 1 грамм қимматбаҳо металл 1 132 200 сўм турар эди.

5 граммлик қуйма нархи 8 миллион сўмдан ошиб, 8 043 000 сўмни, 50 граммлик — 80 425 000 сўмни, 100 граммлик эса — 160 851 000 сўмни ташкил этди.

Жаҳон бозорида тройск унцияси олтин (нашр этиш вақтида) 4037,15 доллар ёки 1 грамми учун 129,73 доллардан баҳоланмоқда.

Эслатиб ўтамиз, Марказий банк 2020 йилдан буён олтин қуймаларини сотишни бошлаган. Улар 999,9 намунадаги тоза олтиндан ишлаб чиқарилади. Ҳозирги кунда 5, 10, 20, 50 ва 100 грамм оғирликдаги қуймалар сотувда мавжуд.

Олтин қуймаларининг сотиш нархлари ҳар куни Марказий банкнинг расмий веб-сайтида миллий валютада эълон қилинади.