Тошкент шаҳар ИИББ ахборот хизмати маълумот беришича, Мирзо Улуғбек ва Яшнобод туманлари ҳудудидан ўтувчи Янги Ўзбекистон (Аҳангарон шоссесидан D012 автомобил йўлигача бўлган қисм), Жасорат ва Дўстлик кўчаларида асфальтобетон қопламасининг юқори қатламини ётқизиш ишлари олиб борилади. Шу муносабат билан 8–20 октябрь кунлари айрим йўл қисмларида транспорт ҳаракати қисман чекланади.
Шу сабабли 190-сонли автобус йўналиши “Машинасозлар” метро бекати томонидан вақтинча ўзгартирилади ва ҳаракат Махтумқули, Темур Малика ва Бинокор кўчалари орқали амалга оширилади.
Шунингдек, таъмирлаш ишлари даврида йўлларда тирбандликлар ортиши мумкинлиги қайд этилган. Йўналишларга қўшимча ўзгартишлар киритилиши эҳтимоли ҳам бор.
Комментарии