Ижтимоий тармоқларда 2025 йил 29 сентябрь куни Истанбул шаҳрида бир гуруҳ Ўзбекистон фуқаролари қўлга олингани ҳақида хабарлар тарқалди. Ҳолат юзасидан Ўзбекистоннинг Истанбулдаги бош консулхонаси маълумот берди.
Қайд этилишича, жорий йил 29 сентябрь куни Истанбулда 6 нафар шахс, шу жумладан блогер “Жасмин” ҳам маҳаллий полиция томонидан қўлга олиниб, 30 сентябрь куни Малтепе ёпиқ турдаги жазони ижро этиш муассасасига жойлаштирилган.
Мазкур шахслар гиёҳвандлик воситалари ва психотроп моддаларнинг ноқонуний айланмаси билан боғлиқ жиноятни содир этишда гумон қилинмоқда.
Тинтув тадбирлари давомида олинган ашёвий далиллар экспертизага юборилган.
Ҳозирда тергов жараёни давом этмоқда.
Комментарии