Ўзбекистон футбол ассоциацияси Матбуот хизмати хабарига кўра, бугун FIFA Кенгашининг навбатдаги йиғилиши бўлиб ўтди. Йиғилишда кун тартибидан ўрин олган муҳим масалалар қаторида 2027 йилга 20 ёшгача футболчилар ўртасидаги FIFA Жаҳон чемпионати мезбонлари аниқланди.
Унга кўра, Ўзбекистон ва Озарбайжон биргаликда ёшлар ўртасидаги Мундиалга мезбонлик қилиши белгиланди.
Мазкур мусобақа FIFA томонидан ўтказиладиган миллий терма жамоалар ўртасидаги Жаҳон чемпионатидан кейинги иккинчи нуфузли мусобақа ҳисобланади.
Комментарии