Рақобатни ривожлантириш ва истеъмолчилар ҳуқуқларини ҳимоя қилиш қўмитасига пойтахтнинг Юнусобод туманида яшовчи фуқаро мурожаат қилиб, ушбу компаниянинг автомобилларида Gorilla энергетика рекламаси кенг жойлаштирилаётганидан шикоят қилган.
Текширув давомида "AION BEVERAGES" МЧЖнинг 106 та автотранспорт воситасида "Реклама тўғрисида"ги қонун талабларига зид равишда энергетика рекламаси жойлаштирилгани аниқланди.
Мазкур қонуннинг 37-моддасига кўра, энергетик ичимликларни ташқи реклама қилиш ва ахборот объектларида реклама қилиш тақиқланади.
Мазкур ҳолат юзасидан ҳудудий комиссия томонидан "Реклама тўғрисида"ги Қонуннинг тегишли моддаларини бузганлиги учун МЧЖга нисбатан иш қўзғатилган.
Шундан сўнг компания барча 106 та транспорт воситасидаги рекламаларни бутунлай олиб ташлаган.
Комментарии