Ўзбекистонлик спортчи 24 йилда илк бор юнон-рум кураши бўйича жаҳон чемпиони бўлди

Хорватиянинг Загреб шаҳрида спорт кураши бўйича жаҳон чемпионати бўлиб ўтди. Юнон-рум кураши бўйича Ўзбекистон шарафини ҳимоя қилган Айтжан Халмаханов олтин медални қўлга киритди. Бу ҳақда МОҚ матбуот хизмати хабар бермоқда.

-63 кг вазн тоифасида иштирок этган ўзбекистонлик финал жангида кореялик Чунг Хан-Же устидан ғалаба қозонди.

У қўлга киритган олтин медаль ўзбекистонлик юнон-рум курашчилари учун сўнгги 24 йил ичида жаҳон чемпионатларидаги илк олтин медаль бўлди.

Турнир якунига кўра, Ўзбекистон терма жамоаси 1 та олтин, 1 та кумуш ва 3 та бронза медалини қўлга киритди.

Олтин:

- 63 кг - Айтжан Халмаханов (юнон-рум кураши).

Кумуш:

- 60 кг - Алишер Ғаниев (юнон-рум кураши).

Бронза:

- 57 кг - Ғуломжон Абдуллаев (эркин кураш);
- 65 кг - Умиджон Жалолов (эркин кураш);
- 72 кг - Абдулло Алиев (юнон-рум кураши).