Ўзбекистон ЕОТБ акцияларини сотиб олиш учун 168 миллион доллардан ортиқ маблағ ажратади. Бу қадам мамлакатнинг банк иштирокчилари сафига расман қўшилганини англатади. Бу ҳақда президент қарорида айтилган.
Ҳужжатга кўра, ЕОТБ устав капиталида Ўзбекистонга ҳар бири 1000 доллар турадиган 777 777 та акция ажратилган. Шундан 168 411 та акция (21,7%) ҳақ тўланадиган акциялардир. Қолган 609 366 та акция (78,3%) банк талабига кўра тўлаб берилади.
Акцияларни сотиб олиш учун Инвестициялар, саноат ва савдо вазирлиги масъул, молиялаштириш эса Иқтисодиёт ва молия вазирлиги томонидан амалга оширилади. Маблағлар давлат бюджетидан 2025 йилда ажратилади, 2026 йилдан бошлаб эса бюджет параметрларида мунтазам равишда молиялаштириш назарда тутилади.
2025 йилда 10 миллион доллар, кейинги икки йилда эса 79 миллион 205 минг доллардан ажратилиши кутилмоқда.
Комментарии