Тошкентдан Чиноркентга ва ортга электрпоезд чиптаси нархи оширилади

Ўтган йил декабрь ойида Тошкент — Хўжикент йўналишида юқори тезликдаги поезд қатнай бошлаган, кейинроқ йўналиш Чиноркентгача узайтирилган.

Ҳозирда чипта нархи қуйидагича:

• катталар учун — 20 минг сўм;
• болалар учун — 11 500 сўм.

Бироқ жорий йил 25 сентябридан Тошкент — Чиноркент — Тошкент йўналишида қатнайдиган 7201, 7202, 7203, 7204, 7205 ва 7206 шаҳарлараро экспресс-электропоездларида чипта нархи оширилади. Бу ҳақда «Ўзтемирйўлюловчи» АЖ матбуот хизмати хабар берди.

Янги нархлар:

• катталар учун — 30 минг сўм;
• кичик ёшдаги болалар учун — 16 500 сўм.