Аввалроқ ижтимоий тармоқларда юк машинаси ва йўловчи автобуси иштирокидаги ЙТҲ видеоси тарқалган эди. Зарба натижасида автобус ҳайдовчиси автобус ойнасидан отилиб чиқди.
"Миллар" дастурининг репортажида маълум қилинишича, ушбу ЙТҲ 19 август куни соат 10:30 атрофида Тошкент вилоятининг Ангрен шаҳрида содир бўлган.
Автобуснинг 58 ёшли ҳайдовчиси қайрилиб олаётган вақтда ўзи билан бир йўналишда ҳаракатланиб келаётган 34 ёшли ҳайдовчи бошқарувидаги юк машинаси билан тўқнашиб кетган.
Юк машинаси автобуснинг ён қисмига келиб урилиши натижасида автобус ҳайдовчиси ён ойнадан отилиб чиққан. Автобус ҳайдовчиси тан жароҳати олиб шифохонага ётқизилган.
Аниқлик киритилишича, ЙТҲ вақтида автобусда йўловчилар бўлмаган.
Комментарии