Шавкат Мирзиёев Самарқанд аэропортида Иордания қиролини кутиб олди - фото

Шавкат Мирзиёевнинг таклифига биноан Иордания Ҳошимийлар Подшоҳлиги Подшоҳи Абдулла II ибн ал-Ҳусайн давлат ташрифи билан Ўзбекистонга келди.

Самарқанд аэропортида Иордания қиролини президент кутиб олди. Олий мартабали меҳмон шарафига икки мамлакат давлат байроқлари кўтарилди, фахрий қоровул саф тортди.
Ташрифнинг асосий тадбирлари эртага режалаштирилган. Бугун давлат раҳбарлари биргаликда қадимий Самарқанднинг диққатга сазовор жойлари билан танишадилар.