Маълумотларга кўра, бекободлик 39 ёшли А.А. 2024 йилда ишлаш мақсадида Россияга борган ва 2025 йил февралга қадар қурилишда ишлаган. Жорий йил 22 февралдан эътиборан Россия Мудофаа вазирлиги билан шартнома имзолаб, Луганскка жангга юборилган.
Судда айбланувчи айбини қисман тан олди ва полиция уни муддати ўтган патент учун ушлагани, ҳибс билан қўрқитилгани сабабли шартномани мажбурий равишда имзолаганини билдирди. 10 кунлик тайёргарликдан сўнг у жанг майдонига юборилган, кейинроқ саломатлиги ёмонлашиб госпиталга жойлаштирилган ва 30 кунлик таътил берилиши давомида Москвадаги Ўзбекистон элчихонасига мурожаат қилиб, ватанга қайтишда ёрдам сўраган.
Суд ҳукмига кўра, А.А. 6 йил озодликдан маҳрум этилди. Жазо умумий тартибдаги колонияда ўталади.
Комментарии