Катта сув оқимлари сабабли «Отукчу-автойўл» (Қирғизистон) — «Тул-автомобиль йўли» (Ўзбекистон) ўтказиш пунктлари орасидаги кўприк устунларини ювиб кетиши натижасида «Отукчу-автомобиль йўли» ўтказиш пункти фуқаролар ва транспорт воситалари ҳаракати учун вақтинча ёпилди. Бу ҳақда Қирғизистон Миллий хавфсизлик давлат қўмитаси Чегара хизмати ахборот маркази хабар берди.
Қирғиз-ўзбек чегарасидан ўтиш учун фуқаролар ва транспорт воситалари вақтинча «Апкан» чегара ўтиш пунктига йўналтирилади.
Шунингдек, мазкур чегара ўтиш пункти Боткен вилояти Боткен тумани Апкан қишлоғида жойлашгани қайд этилган. У 07:00 дан 23:00 гача ишлайди ва фақат Қирғизистон ҳамда Ўзбекистон фуқаролари учун мўлжалланган.
Комментарии