Ўзбекистон академик эшкак эшувчилари илк бор жаҳон чемпионатида совриндор бўлишди

Ўзбекистон спортчилари илк бор академик эшкак эшиш бўйича ёшлар ўртасидаги жаҳон чемпионатида медалларга эга чиқишди. Улар аёллар иккилик (рулсиз) ва эркаклар яккалик йўналишларида кумуш медалларини қўлга киритишди. Бу ҳақда Миллий олимпия қўмитаси матбуот хизмати хабар берди.

6–10 август кунлари Литванинг Тракай шаҳрида ўтган ёшлар ўртасидаги жаҳон чемпионатида Ўзбекистон терма жамоаcи қуйидаги йўналишларда кумуш медалларга эга бўлди:

JW2- – аёллар иккилик : Райҳон Сатторова ва Айдана Сметуллаева;

JM1x – эркаклар яккалик: Жамол Тургунов.

Шунингдек, шу кунларда Таиланднинг Паттайя шаҳрида академик эшкак эшишнинг пляж спринти бўйича Осиё чемпионати ўтмоқда. Бу йўналиш 2028 йил Лос-Анжелесдаги ёзги Олимпия ўйинлари дастурига киритилган.

Осиё чемпионатида ҳам эшкак эшувчиларимиз икки марта пьедесталга кўтарилишди:

Ёшлар ўртасидаги жуфтлик мусобақасида Олтин медал — О. Баходиров ва Қ. Хотамов;

Шу йўналишда катталар ўртасида бронза медал — Ш. Холмирзаев ва С. Сафарлиев.