Ушбу лойиҳа Yandex Uzbekistan'нинг технологик ечими ёрдамида амалга оширилган. тез ёрдамнинг ҳаракатини дастлаб браузер орқали харитада кузатиш мумкин бўлади, кейинчалик эса Yandex Go иловасида ҳам мавжуд бўлади.
Тез ёрдам чақирилгандан сўнг, тизим автоматик равишда харитага олиб борувчи ҳавола билан SMS хабар юборишни бошлайди. Лойиҳанинг кейинги босқичида эса фойдаланувчилар Yandex Go орқали тез ёрдам жойлашуви ва етиб келиш вақти ҳақида push-хабарнома олади.
Лойиҳа тез тиббий ёрдам хизматлари ишини ошкоралаштириш ва диспетчерларга тушаётган юкни камайтиришга қаратилган.
Республиканский марказ маълумотларига кўра, диспетчерлар ҳар куни республика бўйлаб ўртача 40 минггача қўнғироқни қабул қилади, шундан 60 фоизга яқини шошилинч чақирувлардир.
"Рақамли ечимлар жараёнларни ошкора ва аҳоли учун қулайроқ қилади. Тез ёрдам бригадасининг қаерда эканини кўриш имконияти аҳолини қабулга тезроқ тайёрлашга ёрдам беради ва операторларга тушаётган юкни камайтиради деб умид қиламиз. Ҳозирда бу ечим Тошкентдаги шошилинч чақирувлар учун амал қилмоқда, келгусида уни кенгайтиришни режалаштирмоқдамиз", — деди Республиканский тез тиббий ёрдам маркази директори Абдувоитжон Ғафуров.
Комментарии