Жорий йилнинг апрель ойида Тошкентда эркак ўйинчоқ тўппонча билан банкни ўмармоқчи бўлгани ҳақида хабар бергандик. Ўшанда ниқоб тақиб, банкни бангга кирган эркак ИИО ходимлари томонидан қўлга олинганди ва унга нисбатан жиноят иши қўзғатилганди.
Миллар информацион дастурида маълум қилинишича, Жиноят ишлари бўйича Юнусобод туман судида мазкур ҳолат кўриб чиқилган. Судда прокурор эркакка 9 йил қамоқ жазоси берилишини сўради.
Суд ҳукми билан эркак ЖКнинг 164-моддаси 1-қисмида кўрсатилган жиноятни содир этган деб топилиб, унга 5 йил муддатга озодликдан маҳрум қилиш жазоси тайинланган. Жазони умумий тартибли колониясида ўтаттириш белгиланди.
"Эрталаб уйдан чиққанимда набирамнинг кичкина ўйинчоқ тўппончаси чўнтагимда қолиб кетган экан. Озгина олди бердим бор эди. Билмадим нега бу ишни қилдим ўзим ҳам ҳайронман. Қарзлар сабаб тушкунликка тушган эдим. Юнусободга келиб, шу ишни қилиб қўйдим. Ичкарига кирганимда, ўзимга ўзим айтдим, Зокир нотўғри иш қиляпсан. Кейин, ўзим чиқиб кетдим. Ҳеч кимга тегмадим, пул ҳам олмадим. Ҳаммадан узр сўрайман, агар кечиролсангиз, кечиринг", - деган судланувчи эркак.
Комментарии