Ўзбекистон дунёнинг энг хавфсиз 25 мамлакати қаторига кирди

Numbeo таҳлилий портали 2025 йил учун дунёнинг энг хавфсиз мамлакатлари ва ҳудудлари рейтингини эълон қилди.

Numbeo Crime Index (жиноятчилик индекси) ва Safety Index (хавфсизлик индекси)ни фойдаланувчиларнинг жиноятчилик даражаси, кундузги ва тунги хавфсизлик, ўғрилик, ҳужум, шилқимлик, мулкий ва зўравонлик жиноятларининг оғирлик даражасини баҳолаш бўйича жавоблари асосида ҳисоблайди.

Индекслар 0 дан 100 гача ўзгариб туради: хавфсизлик индекси қанчалик юқори бўлса, мамлакат шунчалик хавфсиз бўлади.

Ўзбекистон 25-ўринни эгаллади, мамлакат индекси 73,4 ни ташкил этди. Марказий Осиёнинг бошқа давлатлари орасида Қозоғистон (73-ўрин, индекс 54,4) ва Қирғизистон (101-ўрин, индекс 48).

Ўзбекистонда жиноятчилик индекси 26,6 ни ташкил этди, бу паст даража сифатида таснифланади.

Бирлашган Араб Амирликлари (БАА) дунёнинг энг хавфсиз давлатлари рўйхатини бошқарди, иккинчи ўринда Андорра, учинчи ўринда Қатар. Энг хавфли давлатлар сифатида Гаити, Папуа-Янги Гвинея ва Венесуэла тан олинган.

Қайд этилишича, маълумотлар расмий давлат статистикасига эмас, балки респондентларнинг субъектив идрокига асосланади.