Ўзбекистонда автомобилларни жарима майдонларидан олиб чиқишга рухсат олишнинг электрон хизматини жорий этиш режалаштирилмоқда. Вазирлар Маҳкамасининг тегишли қарори лойиҳаси эълон қилинди.
Ҳужжатга кўра, процедура рақамли форматга ўтказилади.
2025 йил 31 июлгача хизматдан қуйидагилар орқали фойдаланиш мумкин:
- Ягона интерактив давлат хизматлари портали;
- давлат хизматлари марказлари;
- Йўл ҳаракати хавфсизлиги хизматининг мобил иловаси.
Бунда жисмоний ва юридик шахслар хизматга анъанавий усулда - оғзаки ёки ёзма мурожаат қилиш имкониятини сақлаб қолади.
Шунингдек, электрон аризаларни бериш ва кўриб чиқиш тартибини белгиловчи маъмурий регламент тасдиқланмоқда.
Маълум қилинишича, янгиликни амалга ошириш учун 2025 йил 20 июлга қадар Ички ишлар вазирлиги Рақамли технологиялар вазирлиги билан биргаликда зарур ахборот тизимларини интеграция қилади.
Комментарии