АҚШнинг Техас штати марказий қисмидаги Керр округида юз берган сув тошқини оқибатида 24 киши ҳалок бўлди. Бу ҳақда The New York Times нашри Керр минтақа шерифи Ларри Лейтга таяниб хабар берди.
"Керр округи шерифи Ларри Лейт сув тошқини оқибатида ҳалок бўлганларнинг янгиланган сонини тақдим этди ва 24 та жасад топилганини айтди," - дейилади нашрда.
Аниқланишича, қурбонлар ва бедарак йўқолганлар орасида Гваделупе дарёси бўйида жойлашган христиан ёзги лагеридан бўлган қизлар ҳам бор. Ҳаммаси бўлиб 20 нафар бола бедарак йўқолган, уларнинг фотосуратлари ота-оналари томонидан Интернетда тарқатилган. Вояга етмаганларнинг қаердалиги ҳақида бирон-бир маълумот олиш мақсадида уларнинг фотосуратлари тарқатилмоқда.
Қайд этилишича, бедарак йўқолган қизлар оилаларининг бир қисми уларни топиш учун ихтисослаштирилган қайта тиклаш марказларига борган.
Керр округида кўплаб вайронагарчиликларга сабаб бўлаётган сув тошқини ҳақида 4 июль куни маълум бўлди. Минтақада фавқулодда ҳолат эълон қилинди.
Комментарии