28 июнь куни Тожикистонда содир бўлган ЙТҲда етти киши ҳалок бўлган, улар орасида ўзбекистонликлар ҳам бор. Бу ҳақда Тожикистон ИИВ Матбуот хизмати хабар қилди.
Қайд этилишича, Ўзбекистон фуқароси бошқарувидаги Volkswagen русумли автомашина Душанбе—Хўжанд—Чаноқ автомагистралининг Дадабой Холматов қишлоғидан ўтган 332,2-километрида Toyota билан тўқнашиб кетган.
Тўқнашувдан сўнг, Volkswagen Хўжанд шаҳрида яшовчи фуқаро бошқарувидаги Mercedes-benz автомобили билан ҳам тўқнашган. Оқибатда етти киши ҳалок бўлган.
Манбага кўра, ҳодиса оқибатида Ўзбекистон фуқароси бўлган ака-укалар воқеа жойида вафот этган. Қурбонлар орасида вояга етмаганлар ҳам бор.
Комментарии