Туркманистон эвакуация учун ўз ҳудудини тақдим этди ва Эрондан келган чет эл фуқароларига гуманитар ёрдам кўрсатди. Туркманистон давлат чегарасини 120 га яқин киши - Қозоғистон, Қирғизистон, Ўзбекистон, Тожикистон, Руминия ва бошқа давлатлар фуқаролари кесиб ўтди. Бу ҳақда Туркманистон Ташқи ишлар вазирлиги хабар бермоқда.
Эвакуация қилинган фуқароларга транспорт, озиқ-овқат, меҳмонхона ва энг зарур нарсалар билан ёрдам кўрсатилди.
Инсонпарварлик ёрдами доирасида Туркманистоннинг тегишли давлат идоралари хорижий давлатлар элчихоналари ва халқаро ташкилотлар билан яқин ҳамкорликда иш олиб бормоқда, дейилади хабарда.
Туркманистон БМТ Бош Ассамблеяси ташаббуси билан эълон қилинган Халқаро тинчлик ва ишонч йилида инсонпарварлик, халқаро ҳамкорлик ва яхши қўшничилик тамойилларига содиқлигини таъкидлади.
Комментарии