Uzbekistan Airways АЖ ижтимоий тармоқлар ва баъзи интернет нашрларида тарқалган рейслар жадвали ва уларнинг эҳтимолий бекор қилиниши ҳақидаги хабарлар асоссиз эканлигини маълум қилди.
Айни пайтда авиакомпания парвозлар амалга ошириладиган давлатлардаги эпидемиологик вазиятни ҳисобга олган ҳолда, рейслар жадвалини тасдиқлаш ишлари олиб борилаётгани таъкидланган.
Эслатиб ўтамиз, аввалроқ Ўзбекистон ҳаво йўллари йўловчилардан багажларини расмийлаштириш жараёнида COVID-19 тарқалиши хавфини камайтиришга қаратилган муҳим қоидаларга қатъий амал қилишларини сўраганди.
