Жорий йилнинг 30 июнь санасидан бошлаб, Россияга визасиз режимда келаётган чет эл фуқаролари "Давлат xizmatlari RuID" иловаси орқали олдиндан рақамли рўйхатдан ўтишлари шарт бўлади.
Маълум қилинишича, Россия Федерациясига киришдан камида 72 соат олдин ариза топшириб, кўрсатиладиган QR кодни олиш зарур бўлади.
Рўйхатдан ўтиш учун қуйидагилар талаб этилади:
иловада шахсий кабинет яратиш;
фотосурат ва шахсий маълумотларни юклаш;
тахминий қолиш муддатларини кўрсатиш.
Фақатгина фавқулодда ҳолатларда (касаллик, қариндошнинг вафоти) ариза келишдан камида 4 соат олдин топширилиши мумкин.
Қуйидагилар рўйхатдан ўтишдан озод қилинади:
Беларус фуқаролари;
6 ёшгача бўлган болалар;
виза ёки вақтинчалик яшаш рухсатномаси/доимий яшаш рухсатномаси билан келаётганлар.
"6 ёшдан 18 ёшгача бўлган болалар учун аризани ота-оналар ёки қонуний васийлар топширади - агар уларнинг ўзларида амалдаги кириш рухсатномаси мавжуд бўлса",- дейилади хабарда.
Комментарии