Маълум қилинишича, Тошкент шаҳар Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан навбатдаги рейд тадбирлари ўтказилган.
Рейд тадбири давомида Яккасарой тумани “Шота Руставелли” кўчасидаги кўп қаватли уйлардан бирининг том қисмида ўзбошимчалик билан ресторан қурилгани аниқланди.
Таъкидланишича, мазкур ресторан шаҳарсозлик меъёрлари ва қонунчиликка зид. Натижада уйнинг бардошлилик даражасига ҳам кескин хавф туғдирган.
“Агар фуқаро айтилган кўрсатмаларни белгиланган муддатда бажармаса, ҳуқуқбузар шахсга нисбатан маъмурий жавобгарлик чоралари қўлланилади ҳамда мазкур ҳолатни мажбурий тартибда бартараф этиш юзасидан тўпланган ҳужжатлар ҳуқуқ-тартибот органларига тақдим этилади”,- дейилади хабарда.
Комментарии