Россиялик журналист Нобел Арустамян “Пахтакор” вакили Иброҳимҳалил Йўлдошев “Женоа”га ўтиши мумкинлиги ҳақида маълум қилди.
Унинг ёзишича, 20 ёшли ҳимоячининг трансфери ушбу ёзда амалга оширилиши мумкин. Музокараларни Элдор Шомуродовни “Женоа”га трансферида воситачилик қилган ProSportsManagement ва Валерио Жуффрида олиб бормоқда.
Трансфер амалга ошса, ўзбекистонлик ҳимоячи 2021/22-йилги мавсумни Швейцариянинг “Сьон” клубида ўтказиши мумкин. Бу Генуя клубининг легионерлар бўйича “заявка”сига боғлиқ.
Журналистнинг қўшимча қилишича, “Женоа” Элдор Шомуродовни ёзда сотмоқчи эмас. Клуб ярим йил унинг трансфер нархи қимматлашишини кутишга қарор қилган.
